🔍
Einar litli
Einar litli
Einar litli
Einar litli
  1. Einar litli
  2. Einar litli
  3. Einar litli
  4. Einar litli

Einar litli

$9,37

Einar litli er barnaútgáfan af Einarspeysu sem er símynstruð laskaermapeysa fyrir fullorðna. Peysan er miðlungsþykk og dásamlega mjúk og er fullkomin undir úlpuna á veturna eða ein og sér á sumrin.

Einar litli er prjónuð ofan frá og niður. Byrjað er að prjóna stroffið á hálsmálinu í hring. Eftir stroff er hálsmál peysunnar mótað með stuttum umferðum en svo er stykkið tengt í hring og prjónað eftir munsturteikningum. Þegar berustykkið hefur verið prjónað er stykkinu skipt upp í bol og ermar og það prjónað þar til réttri sídd er náð.

Sjá nánari upplýsingar hér fyrir neðan.

Grunnupplýsingar
Stærðir: 1–2 (3) 4 (5) 6 (7) 8 (9) 10 (11–12) ára
Yfirvídd: 69 (72) 74 (76) 80 (84) 88 (92) 95 (99) cm
Lengd á bol að aftan að stroffi frátöldu: 36 (38) 42 (43) 45 (48) 49 (50) 52 (54) cm
Prjónfesta: 10 x 10 cm = 21 lykkja og 28 umferðir slétt prjón á 4 mm prjóna

Garn: Pura Lana frá Gepard
Litur A (aðallitur): 150 (200) 200 (200) 250 (250) 250 (250) 300 (300) gr (50gr/115m)
Litur B (þríhyrningar): 50 (50) 50 (50) 50 (100) 100 (100) 100 (100) gr (50gr/115m)
Litur C (rendur): 50 (50) 50 (50) 50 (50) 50 (50) 50 (50) gr (50gr/115m)

Litir á forsíðupeysu: Litur A: 730 Midnatsbla, litur B: 101 Rahvid, litur C: 818 Stövet forar.

Prjónar
Hringprjónar: 4 mm (40 og 60 eða 80 cm) og 3,5 mm (40 og 60 eða 80 cm)
Sokkaprjónar: 4 og 3,5 mm (eða langir hringprjónar fyrir magic loop aðferðina)

Stærðir
Stærðirnar sem eru gefnar upp í uppskriftinni eru málin á peysunni sjálfri. Við val á stærðum er mikilvægt að skoða yfirvíddina. Þar sem peysan er prjónuð ofan frá er auðvelt að lengja eða stytta ermar og bol. Mikilvægt er að gera prjónfestuprufu svo peysan passi örugglega á barnið.

Tengdar uppskriftir