🔍

Sólskinsvettlingar

$7,07

Sólskinsvettlingarnir er níunda sólskinsuppskriftin frá Vindu en þær eiga það sameiginlegt að á þeim er munstur sem minnir á yljandi geisla sólarinnar. Hægt er að prjóna vettlingana úr sama garni og Sólskinspeysurnar og Sólskinshúfuna.

Sólskinsvettlingarnir eru prjónaðir í hring frá úlnlið og fram að fingrum. Fyrst er stroffið prjónað, næst eru sólargeislarnir myndaðir á sama tíma og lykkjum fjölgar áður en stykkinu er skipt í belg og þumal. Belgur og þumall eru prjónaðir í hring þar til réttri lengd er náð og úrtökur hefjast. Hægt er að lengja eða stytta bæði belg og þumal.

Sjá frekari upplýsingar hér fyrir neðan.

Grunnupplýsingar
Stærðir: (0–1 árs) 1–2 ára (2–4 ára) 4–6 ára (6–8 ára) S (M) L (XL)
Ummál: u.þ.b. (12) 13 (14,5) 16 (17,5) 18 (20) 22 (24) cm
Lengd lófa: u.þ.b. (8,5) 9,5 (10,5) 12,5 (13,5) 15 (17) 18 (20) cm

Uppskriftin er í níu stærðum, fimm barnastærðum og fjórum fullorðins-stærðum. Málin sem gefin eru upp eru málin á vettlingunum sjálfum. Athugið að barnavettlingarnir eru prjónaðir með öðru garni og prjónastærð en fullorðinsvettlingarnir. Prjónfestan er því ekki sú sama. Hægt er að nota ýmist einn þráð eða tvo í báðar útgáfurnar eins og sést hér fyrir neðan.

Barnavettlingar (stærðir 0–8 ára)
Prjónar: 3,5 mm sokkaprjónar (eða langur hringprjónn fyrir magic loop aðferðina.
Prjónfesta: 10 x 10 cm = 26 L og 36 umf á 3,5 mm prjóna

Garnmöguleikar fyrir barnavettlinga
Ef notaður er einn þráður: 50 gr Pernilla frá Filcolana eða Semilla GOTS eða Mokosh frá Hey Mama Wolf.
Ef notaðir eru tveir þræðir: 50 gr Merino frá Knitting for Olive eða Arwetta frá Filcolana
eða Sunday frá Sandnes eða Yaku frá CaMaRose prjónað með 25 gr af Soft silk mohair frá
Knitting for Olive eða Tynn silk mohair frá Sandnes eða Midnatssol frá CaMaRose eða
Alpaca 1 frá Isager eða Tilia frá Filcolana eða Alva frá Filcolana.

Fullorðinsvettlingar (Stærðir S–XL)
Prjónar: 4 mm sokkaprjónar (eða langur hringprjónn fyrir magic loop aðferðina)
Prjónfesta: 10 x 10 cm = 21 L og 30 umf á 4 mm prjóna

Garnmöguleikar fyrir fullorðinsvettlinga
Ef notaður er einn þráður: 100 gr Peruvian highland wool frá Filcolana eða Skadi frá Hey Mama Wolf eða Scout frá Kelbourne Woolens.
Ef notaðir eru tveir þræðir: 50 (50) 50 (100) gr Pernilla frá Filcolana eða Semilla GOTS eða 100 gr Mokosh frá Hey Mama Wolf eða einfaldur plötulopi prjónað með 25 gr Soft silk mohair frá Knitting for Olive eða Tynn silk mohair frá Sandnes eða Midnatssol frá CaMaRose eða Alpaca 1 frá Isager eða Tilia frá Filcolana eða Alva frá Filcolana.

Tengdar uppskriftir