Uppskriftin að Sólskinstoppnum kemur í níu stærðum. Málin sem eru gefin upp segja til um stærðirnar á flíkinni sjálfri og ég hvet fólk til að skoða þau frekar en nöfnin á stærðunum. Það er ekki gert ráð fyrir mikilli hreyfivídd í uppskriftinni en það er þó alltaf smekksatriði hversu víðar við viljum hafa flíkurnar. Þegar þið veljið stærð er það yfirvíddin er mikilvægust en hún segir til um málin yfir brjóstkassann. Lengd á bol og hlýrum er alltaf hægt að breyta og auðvelt er að máta toppinn jafnóðum þar sem hann er prjónaður ofan frá og niður. Það getur verið skynsamlegt að bæta við garni ef þið hyggist lengja toppinn mikið.
Grunnupplýsingar
Stærðir: (XS) S (M) L (XL) 2XL (3XL) 4XL (5XL)
Yfirvídd: U.þ.b. (84) 93 (99) 106 (113) 120 (133) 143 (155) cm
Lengd á bol frá hálsmáli: u.þ.b. (48) 51 (54) 57 (60) 63 (66) 69 (72) cm
Prjónfesta: 10 x 10 cm = 24 lykkjur og 38 umferðir slétt prjón á 3,5 mm prjóna
Garn
Eddugarn frá Garnbúð Eddu: (150) 150 (200) 200 (250) 250 (250) 300 (350) gr
Bambus/hör garn frá Hexhex (150) 150 (200) 200 (250) 250 (250) 300 (350) gr
Bolurinn á forsíðunni er úr Eddugarni í litnum Kólusinn.
Prjónar
Hringprjónar: 3 mm (40 cm) og 3,5 mm (40 og 80 cm)
Sokkaprjónar: 3 mm
